Mini sini E-Book

Alex Gfeller

• Herausgeber: Books on Demand
• Kategorie: Poesie und Drama
• Sprache: Deutsch
• Veröffentlichungsjahr: 2022

Seitenzahl: 66

Beschreibung

100 Liedertexte auf Berndeutsch im Andenken an Endo Anaconda.

Leseprobe

Inhaltsverzeichnis

Huntertmau flueche

Nei du muesches nume

Es isch wis isch

Iz mueschmer änntlech

Iz hesch scho widr

I säge ja

Sisi so

Är xez eifach nid

Gruusig rede

Hüt giz nüt Nöis

Am Wernu sini

Wedr Fischer

Auso no einisch

Iz singeni mau

Am Wernu sini Auti

Dassi nume

Sisch eigetlech

Am Morge früeh

Hie xeesch

Es isch wis isch

Är het so dicki Bei

Tniere si scho

Es git Tage

Da chasch aues

Mit 25zgi

Nei säget emau

Am chliine Hebeli hie

Sicher chame

Eifach vodr Schpraach här

Es het hie

Mir hei zRosshüsere usse

Entwedr isches zchaut

Das da chasch ha

Ize dueni numeno

Hie muesch iz

Mir gö widr

Säg nume

Es git hüt

Sibemau sible

Wede hie zGrüene

Gäng im Früehlig

O Susi O Susi

Hinger dene vier Högr

I chader gar nid säge

Sichr heimr

Zolangsch1 isch

Dungr ufm Trottuaar

Achtevierzg Schtung

Gittare schpile

Wedr Fräne widr

Einisch het

Mir säge zu däm

Si heis vrgäbe

Hingerdrann

Früecher hettme

Sichr ischdr Seppu

Chuum hesch

I ha no nie

Im Himu giz

De liebe Lüt

Einisch mittem Töff

Di schönschte Massemorde

I wet einisch

Di schöne Lüt

Wede einisch

Zäh Lööle

Zersch wotti mau

Wär mitte Nazi

Iz wetti mau

Sone poorrgglete Möffu

Di einte säge so

A mir ligz nid

Weni einisch

Dr Freener het

We Pfögeli pfiiffe

Guet isches scho

Guete Sunndig mittenang

Am Housi sini

Zwänzg jungi Hüng

Langsam geit Zunne ungr

Zwüschede Hüsr

Dr Säguflügr

Es het nämmlech

I ha mau

Tliebi isch würklech

Moscht isch öppis

Sichr simr nid

Mir zablenis dürz Läbe

Graabesrueh

Sibenesibezg Zibelechüeche

Es schneielet

Im Fau vom Sigetaaler

Ab nächschtem Jahr

Es git nüt

Grad am erschte Tag

Wemeris übrlege

Wedelewäue

Usem Waud

Füfhundert Vagante

Zum Schluss

1 Huntertmau flueche

Hundertmau flueche

Udr Chueche sueche

De xeschde wos düregeit

Das isch doch so läng wi breit

Dasch so churz wi gschiid xeit

Wes bidr lütet isches scho parat

U wede wosch de chasches ha

Chasches nä wede wosch

Dert düre mueses ga

I fragenim nüt drna

I wot nidesone Haagge

I ha gnue dranne gha

Me xeetims gar nümm a

Äs isch haut so wis isch

Dert düre giz kes Zaagge

Im Sunneschiin hesch ke Weli

Xeesch de zAaberot bim Magebrot

Du chasches näh im Ga odr im Schtah

Odr chasches lasii sisch wis isch u wide wosch

2 Nei du muesches nume

Nei du muesches nume fürenäh eifach füregäh

Ja nid abenäh ender ufenäh aus abegäh gäu

Schüsch chanis nid schön abgenäh vrschteisch

Vrschteisch wis geit sisch haut scho zimmli abvrheit

Weisch schüsch chanis nümme

Idr Orning fürenäh u abgegäh

Eifach immer füregäh geng fürenäh weisch

Wemers so mache so chöimers gäng wider

Hingerzi tue u obsi näh u nidsi gäh weisch

Dasch gnue für di Schueh aues mitter Rueh

Wemers gäng zügig überz Chrüz düe gäh

Chasches gäng wider ordeli ge schtütze

Schtütze weisch überz Chrütz ge chrütze

Eifach gäng füregäh u abenäh u ja nid düregäh

U nimmdr Zit drzue nimmdr ja gnue Zit drzue

Wemers fürenäh de chöimers gäbig abegäh

Gseesch wis tifig geit mit fürenäh u abegäh

So heimers gli eifach gäng füregäh u ja nid ufenäh

U so geit Zit verbii u de chöimer änntlech nachegäh

3 Es isch wis isch

Es isch wis isch unes sig wis wöu

Es duet eifach nid wis söu abr was wosch

Unes söt eifach nid wis duet

U wes nid geit de geiz haut nid

Da chasch nüt mache so geiz haut gäng

Wede nid duesch luege de chasch grad ga

So isches scho gäng xi u so geiz haut gäng widr

Weme einisch nid duet ufpasse

De muesme när säuber luege wome blibt

Weme einisch inegheit isch de hetmes glehrt

U weme zwöimau inegheit isch de isches o vercheert

Abr weme drümau inegheit de ischme säubr e Löu

U wemes nid angers cha de ischme eidüttig e Tröu

Es si nid gäng nume di angere wo düe plange

Wär wot da scho dr Haubschueh si bim Vöukerbau

Niemer hez gärn weme so drischaagget wine Moore

U niemer wo eigetlech druf warte im Fau

Dasme gäng dasume ggaagget

Wine ghetzten Aff im Schtau

4 Iz mueschmer änntlech

Iz mueschmer änntlech einisch Ritmus gäh

Schüsch heimer när es Gnuusch

I wot iz nämmli Schwung ufnäh

Schüsch heimer när ke Pfuus

Wede einisch dinne bisch

De geiz grad uf u flutscht so schön

U wede einisch usegheisch

De fäuter gli dr Schnuuf

Drumm mueschmer itze Ritmus gäh

schüsch hani nümm dr Schwung drzue

Verschteisch wis geit so muesches mache

Es mues haut gäng dr richtig Gang drinn si

So chöimers de la tööne

So chöimers de la fööne

De simer schön im Schuss

De simer nümme duss

Eifach zügig zaagge

Eifach zügig schnaagge

U vouchorn düreggagge

5 Iz hesch scho widr

Iz hesch scho widr e Seich gmacht

Iz ischdr scho widr dr Cheib zdürapp

Iz hesch scho wider dr Dräck am Huet

Hätisch doch nume einisch upfasst

Hätischdr doch nume meh Müeh ggäh

Aber nei, du hesches widr verdoorbe

Du hesches scho widr verchachlet

Du hesches scho widr vercheibet

Du hesches doch widr müesse versoue

I hadr doch xeit du müessisch zersch

Ufe Hafe bevorde aafaasch drmitt

Wes nid chasch verchlemme

Itz xeesch ja was drbii usechunnt

Wede duesch lauere u zaagge

U so langsam duesch dasumeschnaagge

Itz hesches eifach glöscht hesch e ganzi Zile glöscht

Nume wüdr ke Müeh hesch ggäh

Iz chasch migozzeu grad zämepacke

Sone blöde Siech nei aber sone blöde Siech isch das

6 I säge ja

I säge ja zu kochte Bire

Ibi drbii bi praatne Öpfu

I schtigen i uf gschweuti Möffe

I hane Gluscht uf kochti Töffe

Weni de scho einisch düre bi

Weni de scho einisch voore bi

De gani gwüss nid wider hingerzi

De chani gwüss nümm nidsi ga

Dert düre hani Fueter

Das gittmer geng e Socke

Da chani wider bocke

Weni scho mau liire

De chani grad o fiire

U weni wider fürechume

De hani schone Pfuuscht ar Schnure

Wüu niemer hezzo schöni Ouge

Dert düre weisi Pscheid

Das hani druff da hani Fröid

Bi dene Chueleni ufdr Weid

7 Sisi so

Sisi so wisi si

Sisi nideso wide meinsch

Sisi o nideso wide wetsch

Si heis nid richtig druff

Si chöis eifach nid bringe

Si chöi eifach nid singe

Si hei nume zwe Schtimme

De six wis wöu u machz wis duet

De weisi o nid wosi si u wisi tüe

Was weisi scho i weis doch nüt

Ude hesches ufem Zang

Wode wosch dert chas nid si

U wode chasch dert woz nid si

Wüu dert wode wosch

Dert chöisis nid bringe

U wesi wette wisi si

De würdesi o nid singe

Da chasch druf ga

Dasche klare Fau im Fau

8 Är xez eifach nid

Är xez eifach nid

U drumm isches verschütt

Sisch eifach schaad

Är chas würklech nid

U drumm chasches vrgässe

Es geit eifach nümm

U drumm muesch gäng wägg

Da hesch dr Dräck

Är mueses eifach nid wöue müesse

U drumm chunsch nid drum ume

Es cha eifach nideso witter ga

Är darfs nideso ärnscht näh

Es geit eifach nümm mittim

Är söus eifach nümme wöue

U drumm hesch keni Schangse meh

Dasch eifach zviu

So chasches nid ässe

Es geit nümm uf

Gangse ge vrgässe

9 Gruusig rede

Gruusig rede isch öppis wichtix