Blueme im Gjätt E-Book

Markus Delz

• Herausgeber: Books on Demand
• Kategorie: Gesellschafts- und Liebesromane
• Sprache: Deutsch
• Veröffentlichungsjahr: 2021

Beschreibung

Gedanken, Gedichte, Geschichten in Mundart (Aargau / Schweiz). Hinter Ernsthaftigkeit versteckt sich Humor, hinter Alltäglichem das Besondere. Texte, die zum Schmunzeln anregen, aber auch zum Nachdenken.

Leseprobe

Inhaltsverzeichnis

Kei grosse Denker

Erster Akt

Zweiter Akt

So riich

Alles was rächt isch…!

so

Der Schriftsteller und die grüene Chüe

Littering

Gönd us der Sunne

Chinderspiel

Kei Chinderspiel

Züri isch jo gar gross

gliich

Kein Witz

Eis Gsicht

Do hei mer's

Vetter Fründ

s'Lisi

Gedanke bim Coiffeur

Gedanke nach em Coiffeur

D' Schnurri

s'Elsi

Gseit isch gseit

Steigerigsform

Und wie

mehr und weniger

Sälber tschuld

O je

Chasch mer

Me sett nit hadere

Dumms Gschnurr

5 Minuten vor 12

So cha's goh

So isch's

Jo, d'Liebi isch au nümm das…

Goht's no

So isch s'Läbe

Danke

Kei Zyt

Ä Huffe

S' letzschte Wort

Schlusspunkt

Markus Delz

Kei grosse Denker

I ha nüt dänkt.

Nur gluegt und gloost und gschriibe.

Jetz, won i's lies, han i dänkt, i ha

doch mehr dänkt, als i dänkt ha.

5 vor 12

(Kurztheater in 2 Akten)

Erster Akt

(langes Schweigen)

Sie:

Wie spoht isch’s?

Er :

Öppe…

Sie:

Nei, nit öppe. – Genau.

Er :

Die genau Zyt cha dr nit säge. Kei Mänsch cha das. Wil, wenn dr öpper die genau Zyt seit, isch d'Zyt i der Zwüschezyt scho wieder wiitergloffe. Also.

Sie:

Wäge dem chasch mer dänk gliich säge, was für Zyt as isch.

Er :

Summerzyt. – Denn chunnt d'Winterzyt. Aber vorhär no d'Herbschtzytlose. Für ä paar isch's jetz Stillzyt. Nit wil s still isch, sondern wil d'Babys der Schoppe bruche. Hunger. Für vill isch's Kriegszyt. Für der Räscht Friedenszyt. Ä Zwüschezyt, zwüsche de Halbzyte. Ä Pause.

PAUSE

Zweiter Akt

(langes Schweigen)

Er :

Seisch ä so nüt. – Isch öppis los? - Wie goht's?

Sie:

Öppe.

Er :

Nei, nit öppe. – Genau.

Sie:

Genau

das

cha dr nit säge. Kei Mänsch cha das. Wil, wenn dr öpper seit, wie's em goht, cha i der Zwüschezyt, imene Bruchteil von ere Sekunde genau s puure Gegeteil

genau

si.

Er :

Äh! Dumms Gschwätz. (Er luegt uf d'Uhr.) Wenn git's z’Mittag? S'isch scho föif vor zwölfi.