Dòò bischde Pladd! E-Book

Georg Fox

• Herausgeber: Books on Demand
• Kategorie: Poesie und Drama
• Sprache: Deutsch
• Veröffentlichungsjahr: 2020

Seitenzahl: 111

Beschreibung

Das Buch enthält eine Auswahl von den Mundart-Kolumnen der Saarbrücker Zeitung, die in den Jahren 2005-2020 veröffentlicht wurden. Zusätzlich wurden diese Texte ergänzt durch Gedichte, die in der gleichen Zeit entstanden sind. Manche dieser Gedichte sind bisher noch nie in einem Buch veröffentlicht worden. Alle Siegertexte bei Mundartwettbewerben wurden ebenfalls in diese Sammlung aufgenommen.

Leseprobe

Inhalt

Statt eines Vorwortes

Saarlandliedsche

Bei hellem Daach se Naachd gess!

Endlisch nimmeh schaffe gehn!

Die Aarwed

Die ald Buggs

Billischtigged nòò Parris

Fròò nidd sevill!

Es Wunner vum Wasser in Wein

Aldschdadd-Òòmend

Bladd schwäddse in Brassielje!

Das wääs nidd jeeder!

Schaffe iss e Haufe Aarwed!

Kunschd vun A-Z

Friehjòhrsmonduur

De Ooba

Bucherbach-Ballaadsche

Uffem Droddwaar

Gliggsglee-Limmerigg

Endlisch frei

Heggsenaachd

Unn manschmò naachds...

Verlòòr

Unnerm Aadolf

Deddsemberliedsche

Fier die Kadds!

Mach jò kä Dinger!

Gudd geräddschd!

Jeeder hadd sei glääner Fimmel!

Kabbiene-Geschbrääsche

Männeraarwed!

Ääne raache...

Middem Kobb geesche die Wand!

Mid ohne Eifoon gehd niggs!

Uffreeschung iwwer die Dseidung

Wann mer mennd, dass mer ääner kennd!

Mid Fregg unn Flemm dehemm!

Gardienebreddischd fier e verdrähder Massigg!

Glee, Beddsääscher unn e bissje Graas!

Frieher Friehling

Freibaad-Geschbrääsch

Werf niggs dse weid furd!

Bis wääs Godd woohin weid wegg geflòò!

Was nidd needisch gewään wäär!

Niggs wie Zòòres mid der Dseid!

Kaddsejammer middem Ällergenn!

Wäänsches-Ballaawer

Ordnung mid der Dseddelwirdschafd!

Sunnwendnaachd unn Summergligg!

Gudd geschwiddsd!

Lääwe wie e Wadds!

Glòòr Weld!

Rään in Boose

Alles verschdruddeld

Die leddschde Hòòr vum Jòhr!

Na dann, Broschd Neijòhr!

Simmeliere unn fillesefiere

Faasebòòdse

Aktuelle Veröffentlichungen

PRESSESTIMMEN

Statt eines Vorwortes

Experten schätzen vor allem wegen des Borkenkäferbefalls werden Ende dieses Jahres rund 400.000 ha Deutscher Wald verloren seineine Fläche fast doppelt so groß wie das Saarland. (Frontal21 ZDF 19.05.2020)

Schwarm so groß wie das Saarland: Heuschreckenplage zerstört Ostafrikas Felder. Experten sprechen von einem "beispiellosen Zerstörungspotenzial" und warnen vor einer Hungersnot. Ein Schwarm in Kenia mit Hunderten von Millionen von Insekten sei etwa 2400 Quadratkilometer groß - fast so groß wie das Saarland. (ntv 23.01.2020)

Ein riesiger Eisberg, doppelt so groß wie das Saarland, hat sich vom Larsen-C-Schelfeis am Südpol gelöst. Doch Aufnahmen der Nasa zeigen: Der Koloss schrumpft, mehrere Teile sind bereits abgebrochen. 28.07.2017, 18.14 Uhr Es ist einer der größten Eisberge, der je dokumentiert wurde.

Das Öl schießt 60 Meter hoch. Darüber bildet sich eine Gaswolke. Stündlich treten rund 170 Tonnen Öl und Erdgas mit einer Temperatur von knapp 120 Grad aus. Auf dem Meer treibt mittlerweile ein Ölteppich, der so groß wie das Saarland ist. (WDR 22.04.1977)

Sie können auch ohne Test wieder in das Saarland einreisen, unterliegen jedoch der Quarantäneverordnung. Bei Einreise aus einem Risikogebiet müssen Sie sich dann auf direktem Wege nach Hause begeben und bei der zuständigen Ortspolizeibehörde melden. (15.09.2020 | Ministerium für Soziales, Gesundheit, Frauen und Familie | Gesundheit)

Saarlandliedsche

Dò hann geweggseld die Nadsjoone.

Mier sinn e Grensbalge-Regioon.

Mer waar mò Deidsche mò Franzoose,

im Griesch waar hie die Roode Dsoon.

Nie waar es Lääwe fier die Leid

so rischdisch äänfach unn begweem,

dief hann die Sòòrje ofd gedriggd.

Fiers Schaffe muschd mer auswärds gehn.

Als Maasäänhääd fier Kaddaschdroofe-Dregg

hadd mer es Saarland gäär geholl.

Mid Eel im Meer als grooser Flegg

hadd mers verglisch verheisungsvoll.

Unn isses Land aach nuur so glään.

Mier hann nie ebbes iwwerdrieb.

Eggaal, was fiere Dseid gewään,

feschd uffem Boddem iss mer dò geblieb.

Warrum mier dò so gääre wohne,

das saad es Herds unn de Verschdand:

Es Saarland iss fier allgaar nidd so ohne,

unn mier sinn Fääns vun dò demm Land.

Weldweid hadd mer schunn vill gesiehn,

was wunnerbaar unn scheen aach waar,

doch iss mer droddsdeem nimmeh weggsegrien

aus unserm Ländsche an der Saar.

Weil wann mer uff die Saarschleif guggd,

unn uff de Schaumbersch grawwle kann,

wann mer am Ludwischsbladds mò huggd

odder am Maargd vun Sangehann,

dò wääs mer dabber, was hie dsähld:

Wooannerschd iss niggs wie dehemm.

Als Heimaadland hann mier es Saarland ausgewähld.

Sunschd grien mier figgs die Hemmweh-Flemm.

Bei hellem Daach se Naachd gess!

„Lischdmess“ hann die Saarlänner schunn immer e bissje annerschd gesiehn als wie sunschdwoo: Mer hadd sisch driwwer gefreid, dass jeddse die Daache widder länger sinn. Das iss jò aach gudd geesche die Winderflemm. „Lischdmess - bei hellem Daach se Naachd gess!“, saad mer bei uns. Dòòdebei gehds jò nidd nuur drum, wann mer essd. Wischdisch iss, was unn wie mer essd. Die Saarlänner sinn jò so glääne Schmegglegger.

Eischendlisch gebbd Lischdmess gefeierd, weil danne virdsisch Daach nò Weihnaachde rum sinn unn dòòdemid iss mid der Weihnaachd rischdisch Schluss. Bei uns dehemm hammer gemäänerhand es Bäämsche schunn nò Dreikeenischsdaa furd geraumd, weil mer jò Bladds hadd schaffe misse fier die Faasend unn iwwerhaubd... Wann dehemm noch e paar Bläddsjer iwwrisch waare, hadd mei Mudder immer im Jannewaar so e Fanillje-Pudding gemach, woo die leddschd Weihnaachdsbläddsjer drunner gemuddscheld waare, dass die aach reschderdseid verdòòn genn sinn, bevòòr die erschde Faasekieschelcher aan die Reih hann känne kumme.

„Darstellung des Herrn im Tempel und Reinigung der Jungfrau Maria“ hadd mer frieher algebòdd fier Lischdmess gesaad. Dò kannschde mò siehn, dass dòòmòòls doch alles gaar nidd so gans sauwer gewään iss. Jeed Mudder hadd middem neie Kinndsche erschd rischdisch gereinischd genn misse unn das aach noch in der Kirsch! Kannschd froh sinn, dasses so ebbes heid nimmeh gebbd!

Bei de Kaddeligge gebbd aan Lischdmess aach noch de Blaasjuss-Seesche gefeierd. Eischendlisch geheerd der aan de dridde Feebruaar, awwer mer hadd gemäänerhand die dswei Feschdscher sesamme geschdobbeld. De Blaasjuss hadd aach ebbes middem Esse se duhn gehadd. Der iss gudd gewään fier wann der beim Esse e Fischgrääd im Hals schdegge geblieb iss.

Middem Seesche kann dò niggs meh bassiere, saan se! Das wäär so e Abbdääd fiers ganse Jòhr wie beim Wiere-Skänner. Jeedefalls kummd de Herr Baschdoor mid dswei Kerdse, die sinn iwwergreids. Unn danne gebbd vòòr jeedem kurds gebääd unn gudd iss fier das Jòhr. Wanns helfd, warrum aach nidd? Naddierlisch gebbds heidsedaach bei de Kerdsemacher schunn egsdra Blaasjusskerdse, die sinn midnanner verdswirweld unn dò muss de Herr Baschdoor nimmeh achdbasse, dasses Waggs versuddeld gebbd unn uff de Kiddel dribbsd. Mer muss sisch nuur se helfe wisse!

Endlisch nimmeh schaffe gehn!

„Wie lang muschde noch gehn?“, hannse die leddschde Jòhre allgebodd gefròòd, wie als wann mers nidd erwaade kinnd. „Noch bis Finfeseschdsisch? Fier was so lang? Bischde nidd grangg genungg?“ Jesses, was hadd mer schwadduddeld, wie schleschd mer aussiehn gääd unn es wäär jòò eischendlisch Dseid! Dò haschde gesaad, dasses dier gans dussma schleschder gehd unn dass de aach das ään odder anner schunnemò vergeschd, demidd die aarm Seel Ruh gehadd hadd.

Irschendwie bischde rischdisch wurres genn: Wannde um disch rum geguggd haschd, waare all annere schunn längschd in Rende gewään, woomeschlisch soggaar inn der Pangsjoon. Beinäggschd haschde gemennd, de wäärschd der äänsische, woo iwwerhaubd noch schaffe gehd. Awwer äänes Daachs isses sowweid gewään: Dei Rendebeschääd iss kummd unn de bischd eischendlisch baff gewään. So figgs haschde gaarnidd gereschned, dasser kummd! Dò haschde gemergd: Jeddse gebbds ernschd!

Vun demm Daach aan hann se dier als e gudder Ròòd genn, was de denòò mache kannschd. De meischd hannse dei Fraa bedauerd, weil die disch jòò jeddse schdännisch dehemm hadd. Die erschde Daache hannse so e bissje gefroddseld: „Hadd Deiner schunn die Dellere unn Dasse im Schrangg umgeschdelld? Laafd der dier allgebodd in de Fies erum? Kummschde noch dse ebbes, woo Deiner jeddse dehemm iss?“ Dò bischde schunnemò häämlisch bei deiner ald Aarwedsschdell verbei gang fier dse gugge, ob alles in Reih iss. De liebschd wäärschde widder schaffe gang, dass se endlisch mòò uffheere, dei Fraa dse bedauere. Dòòdebei haschde disch doch eischendlisch freie wolle uff die Rende!

Die Aarwed

"Uff" der Aarwed

bin isch

allseilääwe gewään.

Awwer die Aarwed

waar all die Jòhre

iwwer mier,

nääwe mier,

vòòr mier

unn hinner mier.

"Uff" der Aarwed

bin isch all die Jòhre

nie gewään.

Isch bin

jeeder Daach nuur

middedrin geschdann!

Saarlännisch Baufillesefie: Ääns kummd dsem annere!

Leddschdens hadd de Hennes nääwem Heisje so e glään Baggersche gehadd. Das hadder sisch beier Firma ausgelieh, fier dò die Wies se blaschdere, dasser sei Audo druffschdelle kännd. Unn danne issem iwwer der Aarwed die Idee kumm, e Kaarbord dse baue, demid sei beschd Schdigg nidd im Rään odder woomeeschlisch im Winder soggaar im Schnee schdehn missd. Graad wiejer debei waar, die Fundammende ausdsebaggere, hadd de Nochber dsum gesaad, mer kännd jò aach noch drumerum dsuumache, fier dass naachds nidd die Schbiddsbuuwe aan sei Audo gehn gääde unns veleischd vergraddse, womeeschlisch irschendebbes rumfummle odder sunschd ebbes ausbaldoowere.

Was soll isch dier saan: Dswei Wuche schbääder hadd nääwem Haus e Karraasch geschdann middem ellegdrisch Segderaaldoor unn allem drum unn draan. Wie de Nochber das gesiehn hann, hadd er gefròòd, ob mer das so mierniggsdierniggs mache dirfd weeschem Baublaan unn so. Kännd jò sinn, dass mò ääner vum Amd kummd! Dò hadd de Hennes gemennd: Mer kännd jò nidd fier alles fròòe, aam End wollde die ääm noch e Gliddsje schdelle unn Grimmel in de Kääs mache unn hinnerhäär dòòfier, dasse midgeschwäddsd hann, noch Gebiehre kassiere.

Kaum drei Moonaad schbääder iss awwer daadsäschlisch ääner vum Amd kumm, unn hadd wisse wolle, wieso dò e Karraasch schdehd. Dò hadd de Hennes gesaad: Ei die hädd dsem Haus geheerd unn ob mer gemäänerhann beim Haus kä Karraasch hädd? Unn iwwerhaubd: Dòòmòòls vòr Jòhre, wiejer sei Heisje geblaand hädd, hädder schunn uffem Amd gesaad, dass nääwens e Karraasch hinkummd, awwer dòòmòòls hädder noch kää Geld unn aach noch kää Audo gehadd. Jeddse wäär se ääwe dò unn gudd wäärs!

Leddschd hann isch de Hennes gedroff unn wolld wisse, wie die Sach ausgang iss. Was soll isch saan: Der vum Amd hadd gesaad, Dò kännd mer jò jeddse niggs meh mache! Awwer wanner nòmmò e Karraasch baue dääd, danne missd vòrhäär gefròòd genn.

Dòòdebei hadd mer de Hennes schunn unner der Hand gesaad: Näggschd Jòhr baud er noch im Gaarde aan die Karraasch e Schubbe aan. De Bagger hädder schunn beschdelld. Unn Seins hääd gesaad, wammer dann graad mò debei wäär, kännd mer aach noch uff die Karraasch e Balgoon mache unn drumerum e Windergaarde.

Die ald Buggs

Am Kellerhaage hängd se, die ald Buggs. Nimmeh gudd genuch, fier aansedsiehe, awwer immer noch gudd fier e Schaffbuggs. Die dòò ald Buggs - wääschde noch, wie mer se kaaf hann in Saarbrigge. Unn isch wolld se de erschd gaar nidd hann, weil se iwwer die Bään als so geschdremmd hadd. Unn danne haschde gesaad: "Holl se mid, das grien mer hin!" haschde gesaad!

Am Bauch haschde schbääder die Gnäbb verseddse misse, weil se die in der Fabbrigg se eng aangenähd hann. Dass die aach immer die Gnäbb so eng nähe, woo die Leid doch all e bissje digger genn sinn unn die Buggse weider brauche!

Unn danne hadd se doch denne Sòòseflegg gehadd, der nimmeh rausgang iss. Dòò hann isch doch immer de Pulloofer driwwer gedsòò, wammer fier gudd weggang sinn.

Unn äänes Daachs haschde de Umschlaach aan de Bään abgeschnied, weil dòòmòòls nuur Buggse mid ohne Umschlaach modern gewään sinn.

Die ald Buggs! Dòò haschde doch sellemòòls die Bundfalde ringenääd, wie isch so grangg genn sinn unn abgeholl hann wie Rabbskaader. Schbääder haschde se danne widder rausgeloss.

Jòò die ald Buggs! Eischendlisch hadd se sisch bedsahld gemach, iss reeschelreschd mid ääm dursch Digg unn Dinn gang, nuur mò so gesaad. De wollschd se jòò schunn dsem Gläädersammle genn, wann isch nidd gesaad hädd: "Gebb se nuur jòò nidd häär, das iss mei ald gudd Buggs, mei gudd Buggs, die beschd Buggs, die isch jeemòòls gehadd hann. Die iss immer noch als Schaffbuggs gudd.

Unn dòò hammer se in de Keller gehang - dsuu denne annere Schaffbuggse! Seiddemm hann isch se eischendlisch – wann mers rischdisch holld - nimmeh aangehaad.

Awwer was gääde aach die Leid saan, wannisch mid der dòò gudd Buggs im Gaade schaffe gääd?!

(1.Preis Saarl. Mundartwettbewerb, Goldener Schnawwel)

Billischtigged nòò Parris

Ruff uff de Bahnschdeisch, ninn in denne schnelle Dsuuch unn ab nòò Parriss. Gans so äänfach waars naddierlich nidd gewään. Erschd hannisch im Indernedd meh wie dswei Schdunne erumgesuuchd, wo danne das Billischtigged verschdobbeld gewään iss. Muschd nidd menne, dass der so ebbes vòòr die Aue geflòò kummd wie der die gebròòdene Dauwe in die Schniss flieje. Wie mier danne nòò Saarbrigge gefahr sinn, hadd mei Fraa noch gesaad: "Wanns nidd glabbd, känne mer jò in Saarbrigge e bissje dursch die Geschäfder scheese gehn unn danne widder hemmfahre, nidd dass mer e Meddsjergang gemach hann."

Mier waare reschderdseid uffem Bahnschdeisch, dass kääner kunnd saan, der Dsuuch wäär nuur nidd gefahr, weil mir nidd beidseide dòògewään sinn. Naddierlisch hann mer all die Dseid danne uffem Bahnschdeisch verblemberd, die wo mer eischendlisch middem schnelle Dsuuch nòò Parriss wollde schbaare. Unn danne isser gans dussma gefahr kumm, unn mier sinn figgs in de Waggong ninn unn hann aach daadsäschlisch de Bladds gefunn, wo uffem Fahrschein druffgedruggd gewään iss. Mer wunnerd sisch jò schunn, wie die das doch so wisse, was die Leid fier Blädds hann! Kaum haschde gehuggd, isses lossgang, awwer gans dussma, weil de Dsuuch in Fòòrbach gleisch widder halle muss. Dò sinn dann die ganse Fransoose ingeschdie. Unn danne iss de Schaffner kumm unn hadd sisch es Billischtigged angeluud unn gegnibbsd. Gesaad hadder awwer niggs unn kää bees Gesischd, wo mier doch so weenisch bedsahld hann.