Erhalten Sie Zugang zu diesem und mehr als 300000 Büchern ab EUR 5,99 monatlich.
Lyrik in Plattdeutscher Sprache Erlebte Lyrik Eine bunte Mischung aus Begebenheiten und Gedanken aus einem langen Leben und dem aktuellen Alltag. Übersichtlich geordnet in: Erinnerungen, Zweisamkeit, Das Leben, Spaß und Kritisches, über das Schreiben, Tiere und Kinder, Jahreszeiten, Märchenhaftes.
Sie lesen das E-Book in den Legimi-Apps auf:
Seitenzahl: 68
Das E-Book (TTS) können Sie hören im Abo „Legimi Premium” in Legimi-Apps auf:
INHALT
1 PLATT-SCHNACKERS
Lees maal wat
Plattschnackers
Moin, wo geiht?
Ook maal Hochdüütsch
2 BEET SPASS
Naahschenken
Lütt Matten
De oole Mond
Ganz dicht
Danz hier alleen
Soo lecker
Bananen-Fröhsport
Vadderdagg
Mien Griep-Hand
3 KINNER
Preester kümmt
Segg mi maal
Op groode Faahrt
Stadt-School
Stricken leehrn
Schlaapens-Tied
4 VUN FRÖÖHER
Fleeschwolf
Mien Tüddelband
Bus verpasst
Schlie-Droohm
Scheunet Mist
Nah Gewitter
5 TOSAAMEN
Wussen woorn
Kiek maal rin
Anners rüm
6 UNS LEBEN
Uns Tied
Wo geiht dat lang
De Wegg nah baaben
Pünktlich sien
Rosenmaandagg
Wat is los mit de Büx
Besöök vunt Pech
Laat mi ruut
Kollegen
Föörbi
Irgendwann
Rentner-Tied
Neengdich
A-Tschüss
Aleen mit mi
De anner Sied
7 TON WOHLFÖÖHLEN
Dat Glück
Gemöötlich
In Gedanken
För de Seel
8 MAAL KRITISCH
Naahschenken
„Achtbare Leute“
Schnack maal wat
Unfreeden
De bunte Hund
Noch…
Vun Ööwerall
9 WAT SO PASSEERT
Dat flüchtige Geld
Wo is mien Brill
Dietrich
Keller oprühmen
Scherben
Floh-Markt
Dor weer doch noch wat?
10 HEIMAT
Mors vun se Welt
Piratendaagg
Lang is´t her
De Nachtigall
11 NATUR
Dat puust
Datt rummst
Dor baaben
Hett regent
Regenfri
Windstill
Mang de Dannen
Datt puust al wedder
12 UNS DEERTEN
Katten-Diva
Wenn de Hahn kreiht
Regenwedder
Möwen-Bad
Flattermann
Still vergnööggt
13 LESEN UND SCHRIEBEN
Schnackfatt
Bööker
Wenn´t nich geiht
Schmeerkraam
14 FANTASIE
Nessie
Wulken-Reis
De oole Mond
15 WIEHNACHTEN
Nis Puk
Wiehnachts-Aabend
Nu is´t so wied
Willst du di wat Goodet doon,
sett di daal, lees een Gedicht.
Platt is hier bi uns to Huus,
anners schnackt de Buur jaa nich.
Ik denk mi, dat kriggst du hen,
laat di Tied so aff und to,
und versteihst du wat maal nich
verkloor ik die´t in goode Rooh.
18.9.2023
Door an de Schlie, door güng dat los,
so lang, so lang is dat wohl her.
Mang Wohld und Waater leeg dat Döörp
weer doomaals ganz schöön ut de Kehr.
Platt wöör door schnackt mit em und eer,
und Hochdüütsch keem eerst in de School,
so mennigg een lütt Jung und Deern
datt föhlten as een hitten Stohl.
"Sprich Hochdeutsch!"
wöör door jümmers seggt,
und mit de Tied und mit de Jahrn
hett man´t biet Lesen denn ook leehrt,
is langsam denn meist Hochdüütsch waarn.
Musst langsam sööken anner Lüüd,
de ook noch schnacken köönt opp Platt,
und dröppst du een, denn freist du di,
und schnackst di eenmaal richtig satt.
21.2.2023
Platt heff ik maal wedder schnackt,
Broder meldt sik hüüt maal an,
af und to vertellt wi uns,
wat man sikk vertellen kann.
Nah, wo geiht, watt maakt de Kinner,
bist du hüüt ook goot toweegg,
fraagg em nich nah siene Krankheit,
giff beet Sünnschien opp den Wegg.
-
Weet doch, ik kann em nich höölpen,
doch he weet: "Ik denk an di",
maak nich schwoorer em dat Leben,
doch egaal is´t nich för mi.
Will he vun de Seel wat schnacken,
denn gah ik mit em den Kurs,
schwoor is för em nu dat Leben,
oold und krank, dat is keen Spaaß.
29.6.2023
So´n Platt kann nich jeder,
man Hochdüütsch könnt all,
mutt door nix verklaarn,
weeten gliecks, wat dat schall,
drüm schrief ik dat meerste
nah Luther in "Hoch",
wat anners dat ist doch
opp Döörpen in´n Kroogg.
-
Door kümmt doch jüsst immer
uns Schnackfatt in Gang,
door kennt wi eenanner
vun breet und vun lang.
Door seggt wi uns Moin
mit de Piep in de Schnut,
kaam sitten und drink wat,
kümmst frööh noch weer rut.
3.8.2023
Schluck föör Schluck, dat Glas warrt leerer
und de Kopp warrt jümmers schweerer,
Denken löppt vun ganz alleen,
man hesst Watte in dien Been.
Singst döörch Döörp und dröppst keen Ton,
bist ümt Eck to Huus doch schon.
Treckst graad noch dien Schooh noch ut,
und denn schnoorcht dat ut dien Schnut.
Annern Moorgen platzt dien Kopp,
Bett danzt loos in een Gallopp -
"Lieschen, hool den Rollmopps her,
ik bün graad beet ut de Kehr.
Und datt segg ik mit Bedacht,
niemaals weer so eene Nacht.
Ooh, mien Kopp, watt dreiht de Welt,
harr leeber nicht so veel bestellt: 28.9.2023
Ik bün gaarkeen Haas und ik heet ook nich Matten,
ik danz hier alleen, op mien oolen Patten,
schwing mi datt Danzbeen alleen in de Stuuv,
und warr ik denn mööh, sitt ik nich in de Gruuv.
-
Bequeem in mien Sessel door puust ik mi af,
door is datt nich wiet hen, dat graad ik noch schaff,
mien Been sind so oold nu, as ik grad maal bin,
door gaah ik maal sitten, mutt de Puust wedder finn.
-
Und kümmt hier een Keerl hen und will mit mi dreihn,
denn segg ik em glieks, datt weer villicht fein,
man ik heff mien Rhythmus föör mi ganz alleen,
watt anners kümmt mi nich mehr in miene Been.
-
Denn danzen wi beiden an jeeder sien Sied,
föör Smuuster to wesseln is datt nich to wied,
uns Fööt sind eenannern nich so in de Wegg,
denn kriegt wi dat Danzen doch beeder noch tregg.
14.7.2023
De Nacht is still, de Mond schient hell,
lüücht mi direkt int Finster rin:
„Watt wisst du mi, du Nacht-Gesell,
denn kaam doch gliecks to mi maal rin!
Ik bün alleen, kann ook nich schlaapen,
man buuten is mi dat to koold,
ik maak di ook dat Finster op,
weer schöön, wenn wi uns
Hänn maal hoold.“ - - -
„Mien leewe Deern, datt geiht wohl nich,
bün doch all lang to old föör di,
ik hang jaa ook so veel to hooch,
de Heben gifft mi nich mehr fri.
Ik bün de Wächter, hool dat Licht,
datt ji ook in de deepste Nacht
den Wegg noch finnt und seeker sind,
und ik föör ju noch hool de Wacht.
-
Nu legg di daal, maak Oogen dicht,
ik bün jaa door, pass op di op.
Und blennt mien hellet Licht to dull,
treck ik paar Wulken föör min Kopp.
Een Engel schick ik di föörbi,
de in dien Droom di wat vertellt,
doorvun, wat du beleven maggs
und wat noch scheuner maakt dien Welt.“
2.5.2024
Vertell ik wat, so nebenbi,
lütt Dööntje maal, ik bin so fri,
de anner een versteiht keen Spaaß,
hett keen Gefööhl för Aggewaas.
-
Warrt fuchtigg und will dat nich höörn,
man ik will mi ook nich vertöörn.
Seggt he to mi mit groot Gewicht:
„Du bist doch ook wohl nich ganz dicht“!
-
Datt mach wohl sein, ik weet dat nich,
Ik giff vun mi denn een Bericht.
Paar Löcker heff ik hier und door,
datt höört ook so, und dat ist waahr.
-
Man düsse Löcker bruuk ik ook,
datt hett Natur so föör mi maakt,
denn baaben schüüfel ik wat rin,
dat kann sien Wegg alleen ook finn.
-
Man jümmers kümmt door noch wat mit
dat bruuk ik nich, dat höllt nich fit,
dat mutt bi Tied denn wedder rut,
mien Löcker sind sowatt vun gut.
8.4.2023
Heff ik eenmaal Lust to danzen,
bruuk keen Partner und keen Saal,
stell Musik mit Hoppla an,
und denn danz ik doch eenmaal.
Een alleen kann Platz sick maaken,
schuuf de Stööhl mi ünnern Disch,
und denn schwing ik miene Knaaken,
doorvun waart se wedder frisch.
-
Links-twee-dree, so geiht de Walzer,
Tango kriegg ik ook noch trech,
acht goot op, wo mi de Fööt loopt,
datt mi nix löppt in mien Wegg.
Will mien Tööns doch leeber waaren,
sünst is glieks de Danz föörbi,