Wie es Lem hoit so is E-Book

Petra Klinser

• Herausgeber: Books on Demand
• Kategorie: Poesie und Drama
• Sprache: Deutsch
• Veröffentlichungsjahr: 2023

Seitenzahl: 54

Beschreibung

Es Lem is moi laut und moi leise... moi geil und moi Scheiße. Moi voller Trauer und Wut... Moi rennts schlecht und moi gut! Maunchmoi is spitze und maunchmoi kaum zu ertragn und ob und zu bleim offn ah poa Fragn... in dem Buach stengan Gedichte für so manche Lebenslagen!

Leseprobe

Inhalt

Vorwort

Freundschaft

Domois

Vorurteile

Frühlingsgefühle

Knockout

Dorfleben

Oasch Tog

Fehler

Nixgönner

Augsoffene Weiba san schiach

Meckern auf hohen Niveau

Helden des Alltags

Kindheit

Blablabla

Gastronomie

Morgenmuffel

Feiertags Wahnsinn

Mimimi

Arbeitsscheu

Vorzeige Mensch

Versteckte Depression

Handys

Liebesbrief firn Spritzwein

Spassbremse

Willst du mit mir gehen?

Trauer

Überrascht

Regeln des Lebens

Blödsinnverzapfer

Lügen

Gmirdlich beinaund sitzn

Hausvastaund

Zeichentrickserien von Domois

Fuatgeh heitzutog

Schaurige Zeiten

Stille Post

Respekt

Schöheitswahn

Lästerschwestern

Zerstörungswut

Singleleben

Einsteigen bitte

Die Polizei dein Freund und Helfer

De Kibara derfn übaroi foahn

Feuerwehrtaxi

Festival „Wasser“

Festival „Feuer“

Festival „Wind“

Speckbrot Sonntog

Winterliche Autofahrt

Satansmusi

Tritt ins Leere

Backstage

Wos i hob Urlaub?

Vorwort

I bin´d Pezi,1982 in Kirchdorf an der Krems geboren.

Aufgwochsn bin i in Spital am Pyhrn,

wohn oba mittlerweile scho seit üba zwöf Joahr

in Windischgarsten, an wunderschönen Ort

in der Pyhrn Priel Region.

Freunde und Leit de mi kennan,

schätzn mei ehrliche und direkte Art

(sogns zumindest).

Genau des findet ma ah in meine Gedichte wieda,

i schreibs afoch so wie i mas denk, grodaus und ohne ah

Blatt vorm Mund zu nehmen!

Oiso min oa oda aundan Schimpfwort is zum Rechnen.

Mei Buach is ah bunte Mischung aus Themen zum

Nochdenkn, bis hin zu wilden und lustign Partynächten!

Viel Spaß beim Lesen

Freundschaft

Da Grund warum a Freundschaft über Jahre hin besteht...

is ned nur weil ma sie guat vasteht,

sondern a das ma sie gegenseitig respektiert...

und a akzeptiert.

A richtig guada Freind is Ana, der in jeda Situation hinter dir

steht...

ned Ana, der da beim klanstn Problem ausn Weg geht.

Echte Freunde kann nichts und niemanden trennen...

se wern ewig mitanaund durchs Leben rennen.

Dei besta Spezl sogt da de Wahrheit mittn ins Gsicht...

a wens grod ned deina Auffossung entspricht...

und du des grod goa ned hean mogst..

weilst sovü Aufrichtigkeit im Moment goa ned vatrogst!

Waunst grod ned anwesend bist, valiert a echta Freind ka

schlechts Wort üba di...

sowos tat a nie.

Und waun wer aundara wos bleds über erm sogt...

gheats erm glei vazöht, ohne das a danoch frogt.

in ana Freundschaft, soll ma imma ehrlich

zueinaunder sein...

so hoits a gaunz Lebn laung und des is gscheid fein!

Ma soidat sein Spezi nie ois selbstverständlich sehn...

den jeda woas, Freindschoft kau a vagehn.

Jeda der sowos wie an bestn Freind hot im Lem...

denkts imma drau, es kau fost nix bessas gem!

Domois

Frira vor einigen Joah..

wie es Twix nu es Raider woa...

oda wies nu gem hot in Konsum...

do woa es Leben jo a goa ned so dumm.

Jo domois homa zum Penny nu Mondo gsogt...

wauma wos ned gwusst hom, hauma Mama oda Papa und

ned glei Google gfrogt.

Im Fernsehen homs de geilstn Zeichntrickserien brocht...

do hot ma nu nochdocht und de haum a weng an Sinn gmocht!

Heitzutog schaun sie klane Kinder Teletubbies au...

bin ma net sicher, ob ma vo de schwuln buntn Gstoitn

überhaupt wos lerna kau.

Jo dazumals wie´s Nokia 3310 ausakemma is....

de Leit haum de greste Freid damit kobt des is Gwiss...

kina hot des natürlich im Vagleich zu de heitign Handys nix...

owa es woa dennoch a Highlight und a geiles Gerät, des is fix.

Jo friras Zeitn hots de bestn Eis gem z.B. es Swip...

aum liebstn woa ma owa da original Müchflip,

der is mei Geheimtip.

Des kriagt ma in da heitign Zeit leider nirgends mehr...

fois doch, bringts ma bitte glei a Schochtl davau her!

Damals im Ferienlager, do hauma nu mit Schilling zoiht

und do woa ois so sche billig, wos ma beim Euro jetzt ned

unbedingt auffoit!

I wü jetzt ned wieda mit da oidn Leia kuma,

"Jo frira is ois bessa gwesn"...

owa einiges hoit scho, drum hob is eich aufgschriem

zum nochlesn!

Vorurteile

Man soi bei Menschen ned imma nochn Äußeren gehn...

ma kaun zwoa mit de Augen sehn...

owa ma kennt dadurch ned sei Gschicht...

ma woas ned is a normal, oda ned gaunz dicht!!

Durchn erstn Blick...

siacht ma nur isa dünn oda dick..

is es Gwaund lässig oda schick ...

isa auffällig oder schlicht...

isa gepflegt oda eher nicht...

schaut a glücklich oda traurig aus im Gsicht!!!?

Ma kau ned wissn wos de Person scho durchgmocht hot im Leben...

drum soll ma jedn a Chance geben!!

Natürlich is da erste Eindruck wichtig,

des is scho richtig....

owa ohne an Wortwechsel zu behaupten, der und de san ned

gaunz echt...

des kauma ned mochn stimmts oda hob i recht!?...

bei soiche Mödungen wird ma gaunz schlecht!!

Drum unterhoits eich bevors urteilts amoi mit de Leit....

des wa gaunz wichtig und gscheid!!

Wei denkts imma drau..

ned sötn faungt a Freindschoft mit dem Sotz "frira hob i di ned meng" au....

wos ma si jo daun meistens goa nerma vorstöhn kau!!!

Frühlingsgefühle

Jetzt wos wieda schena wird

und ma de woame Sun auf da Haut gspiat!!

Sche laungsaum de Gastgärtn wieda aufmochn,

de Leit vo Haus aus wieda a weng mehr lochn!!

Wos zum gmirdlich im freien Sitzn wird,

ma in Spritzwein scho nochn erstn Glasl gspiat!!

Ma endlich Pullover und Jackn wegrammt,

und insgeheim scho vom Sommerurlaub tramt!!

Der Moment wauns noch frisch gmahta Wiesn riacht,

und ma wieda tausende vo Motorradlfoahrer auf da Strossn siacht!!

Waun ma es erste moi in Griller startet

und gaunz ungedultig auf sei Fleisch wartet!!

Jo boid gengan de gaunzn Festl rundherum wieda los,

do is de Freude gross!!

Daun wirds wieda zum feiern bis in da fruah,

des bedeutet Spaß pur, afoch happy und vamutlich a weng zua!!

Nau wos glaubts is des fir a Zeit im Joah?

RICHTIG, des san Frühlingsgefühle, is eh gaunz kloa!!

Knockout

Scheisse, wos isn eigndlich im Nachtlebn so los?

waun i sowos her, wern meine Augal gaunz groß!!

Jetzt wern scho irgendwöche Drogn in de Getränke vo de Leit einigschmissn...

des is sowos von gschissn!!!

Do glaubt ma imma in so an kloan Kaff kau sowos jo goa ned geschehn...

doch a do gibts mehr wie gnuag Rotzn, des kau ma an de

letztn Ereignisse jo woi sehn!!!

Wie kauma nur irgendwen so an Schodn zufügn...

wos fir Voiwichser bereitet sowos nu Vagnügn!!?