Stimme im Chopf E-Book

Koenig Heike

• Herausgeber: Books on Demand
• Kategorie: Poesie und Drama
• Sprache: Deutsch
• Veröffentlichungsjahr: 2024

Seitenzahl: 42

Beschreibung

Stimme im Chopf, über Höhe, Tüüfe und wieder drus use ist eine Sammlung verschiedener Texte über das was im Leben so geschieht, mal mehr mal weniger lustig.

Leseprobe

Inhaltsverzeichnis

Summer

Än Flamingo uf Ritalin

Roadtrip

Dumm gloffe…

40 Johr Staub Heizige AG (2013)

Mir schicked in April

75 Jahre FC Steckborn (2018)

Am Stammtisch

So än Chääs

Eifach nu Trash

Viellicht

Anti-Social-Media

Chased by those lines

Än Morge im Oktober

Fründ oder Find

Di letschti Fahrt

Alti Wunde

Wanna be

Uusziit

Nomol ä Chance

Di falsch Uusfahrt

Dä Doc i mim Chopf

Mis Gheimversteck

Kei Angscht

Vereinsamt in der Grossstadt (eine Kurzgeschichte)

Alles wan i bruch isch en Schriiber und es Blatt Papier, da isch min gheime Notuusgang, mini Hintertür, so werd i zur rechte Ziit an rechte Ort zrugg gführt, won i alles cha verschaffe will mi sSchriibe therapiert, Luschtigs und au Truurigs oder wenn i öppes nöd kapier, so bring i min Scheiss uf dReihe und finde zrugg zu mir, mit re Ziggi und me Bier sitz i vor me Blatt Papier und verschwinde inre Welt wo kei Bewusstsii existiert, won i mi komplett verlüür und gliichziitig wieder find, wills mi wie dur Zauberhand zrugg is Gliichgwicht bringt…

Summer

Zieh dä Pulli uus mir händ T-shirt Wetter,

mach dä Sitzplatz parat, riss dä Grill usem Cheller,

jetz wird Party gmacht, knall dä Food uf dä Rooscht,

schnapp dr es Bierli uusem Chüelschrank na denn Proscht!

Jo sisch Summer und do chunnt mer alles guet inne,

mit em Bierli nebem Grill loh dSunne schiine,

loh dSunne inne, loh sie, loh sie, loh sie schiine,

Blueme und Biene, loh dSunne schiine…

Es isch halbi Füfi und sisch Friitigobig,

sWeekend stoht vor dä Türe und da isch nöd ohni,

i fahr min PC abe, stells Telefon um,

wünsch allne no än Schöne, gönn am Newton no än Run,

loh dä Doggie ab dä Leine, gang am See entlang,

döt erlediget er no sin gschäftliche Drang

und denn ab in Garte wo min beschte Fründ scho wartet,

dä Holzcholegrill jetz wird sWuchenend gstartet!

Jo sisch Summer und do chunnt mer alles guet inne,

mit em Bierli nebem Grill loh dSunne schiine,

loh dSunne inne, loh sie, loh sie, loh sie schiine,

Blueme und Biene, loh dSunne schiine…

Jo dGluet isch glii so wiit

und dWürschtli werdet ungeduldig,

e chlige Gmües isch au parat falls dä Romano no verbiizieht,

dSoundaalag lauft und au dä Chüelschrank isch gfüllt,

denn i han e so äs Gfühl, dass glii dä Sitzplatz überquillt,

Jung und Alt, Gross und Chlii, fascht jede stept emol verbii,

mol ehrlich wa chönt schönner sii, esse, trinke, fröhlich sii,

bi mir isch immer open House a me laue Summerobig,

jede isch herzlich willkomme, zumindescht wenn i do bi.

Jo sisch Summer und do chunnt mer alles guet inne,

mit em Bierli nebem Grill loh dSunne schiine,

loh dSunne inne, loh sie, loh sie, loh sie schiine,

Blueme und Bien, loh dSunne schiine…

Es isch wieder mol so wiit, es isch wieder die Ziit,

blaue Himmel, Sunneschii, wo uf dä Welt chönnts schöner sii,

als do bi üs dihai, i dem Städtli am See,

dVögel singed, dChinde spieled, i frog mi wa wotsch no meh,

au dä Newton gnüsst die Täg,

parkt sin schwarze Arsch a dSunne,

nu hie und wieder streckt er sich

und gammlet dur dä Garte dure,

chüehlt sich ab am Wassernapf,

markiert sRevier nöd zu knapp

und am ne perfekte Tag griift er no äs Würschtli ab!

Jo sisch Summer und do chunnt mer alles guet inne,

mit em Bierli nebem Grill loh dSunne schiine,

loh dSunne inne, loh sie, loh sie, loh sie schiine,

Blueme und Biene, loh dSunne schiine…

Än Flamingo uf Ritalin

Scho wieder äs Johr ume, scho wieder a dä Vollmondbar,

super Wetter, netti Lüüt eigentlich isch alles klar,

wär do nöd da chliine Monschter

wo immer wenn i vor eu stoh

Bsitz vo mir ergriefe wür und mini Nerve flattre loht,

sisch wien es ungschriebes Gsetz,

dass während dä erschte 3, 4 Täkt

alles um mi ume schummrig wird

und min ganze Körper shaked,

wie än Flamingo uf Ritalin,

gäbs do numme ä Medizin

und während i so mit mir ring

ghöri im Chopf ä chlini Stimm…

…hey jetz chum mol obe abe,

da isch alles nöd so schlimm,

egal obs rocksch oder verzocksch

morn isch alls wieder bim Alte,

dErde dreiht sich fröhlich wiiter

und au Stüüre muesch no zahle,

also Auge zue, tüüf dure schnuufe

und eimol a dä Fläsche nuggle…

…also guet, wenn du da seisch…

… wirsch scho gseh wie sich da leit,

Bluetdruck, Herzschlag und au Puls alles obe abe gheit…

…jo i glaub swird langsam besser…

…ebe gsehsch i has doch gseit,

dä altbewährti Zaubertrank hät bislang no nie verseit…

…alles klar jetzt weiss i Bscheid,

bi gheilt und hoffentli bereit,

nu chan i nümm länger mit dir rede,

will i dene schräge Vögel es paar Gschichte sött verzelle,

aber danke für din Bsuech und din Rat zur rechte Ziit,

denn meischtens ziehsch du nu verbii,