Die Berschbeschdeijung E-Book

Günter Diesel

• Herausgeber: Books on Demand
• Kategorie: Gesellschafts- und Liebesromane
• Sprache: Deutsch
• Veröffentlichungsjahr: 2021

Seitenzahl: 72

Beschreibung

Der saarländische Bergmann Heinz Backes wollte sich einen Traum erfüllen und einmal den Watzmann besteigen. Seine Frau machte das nicht mit. Er fand, dass eine Bergehalde ein guter Ersatzwatzman wäre. Also beschloss er mit Tochter, Sohn und Hund die Halde zu besteigen. Dieses Vorhaben gestaltete sich zu einer ereignisreichen Bergtour, bei der einige alpine Gefahren zu bewältigen waren. Die Episode hat der Autor in saarländischer Mundart und, vorausgehend, in Deutsch unter "Die Besteigung des Mount Maybach" verfasst. Insbesondere mit der Dialektversion könnte eine emotionale Verbindung oder Identifikation mit saarländischem Familienleben gelingen.

Leseprobe

Anmergung:

Solld jemand genau so heische wie die Leid ìn demm Buch dò, dann ìss das reinà Zufall.

Awwà mansche Ortsname senn faschd so wie die wo’s doch gäbbd.

„Mount Maybach“ 49° 18’ 56’’ N / 7° 4’ 2’’ E

Inhalt

Der Berschschdeijà

Sei Famillje

Schischd em Schachd

Haase am Watzmann

Das Gebòrtsdaachsgeschenk

Uff gehd’s

Em Schlamm

Dò geht’s hoch

Das Basislaachà

Uff’em Gibbel

’S gehd runnà

’S gehd hemm

Näwebei gesaad

Anhang(Lesehilfe)

Unnàwäächs me’m Backes Heinz

Der Berschschdeijà

Der Backes Heinz war Berschmann.

Er ìss em Schadde vunn e’nem Förderturm uff die Welt kòmm, unn zwar em Haus vunn sei’m Oba, em Wohnzimmà uff’em Sofa. Das war ìn dà Gruuwesiedlung vunn Hinnàdal. Medd vier Jòhr ìss’à en de Kinnàgaade, oddà bessà gesaad, ìn die „Schbielschul“ gang.

Nòh dà Volksschul hodd’à, wie die meischde seinà Aldàsgenosse, e Lehr als Hauer em Berschbau aangefang. Das bedeid, ab sei’m 14. Lääwensensjòhr ìss’à jede Daach 800 Medà dief ìn die Gruub engefahr unn hadd „Kolle gemachd“.

Kòrz nòhdemm er dann Hauer wòr ìss, hann se’ne zur Bundeswehr engezòh. Das war die äänzisch Unnàbreschung ìn seim Berschmannslääwe. Er war bei de Pioniere unn war geschiggd em Umgang medd schwäärem Gerääd. Dòfir hodd de Spieß ’ne aach heifisch geloobd.

De Heinz ìss beim Milidär als Owwàgefreidà abgang unn hodd uff dà Gruub weddà aangefang. Jòhrelang hadd’à em heiße unn schdaawische Kolleflöz geblòzd. Unne, vòr Ort, em dungele Schdreeb, war vumm Heinz oft nur das Weiße ìn seine Aue ze siehn.

Wenn er nòh dà Schischd ausgefahr ìss, hadd’em schwarzà Kolleschdaab em Gesicht geklääbd. Damedd er iwwà Daach nedd medd schwarze Aue-Rändà. rum geloff ìss, mussd der ìn dà Wäschkau sei Aue medd Sääf wäsche. nòh’m Brause hadd mà ìn seim bleische Gesischd aach deitlische blaue Naawe gesiehn. Das ware die Schbure, vunn denne Brogge, die ihm aus’em „Hangende“ (Stollendecke) ìn’s Gesischd runnàgefall senn.

Der Heinz war e kräfdischà Kerl. Em Berschmannsvàein hodd er zesamme medd seine Kumbels sei eichenes Haus gebaut. Nadierlisch aach e Haaseschdall unn e Dauweschlaach unn noch e Schdall fir sei Hingele.

Sei Famillje

De Heinz war vàheirad medd’em Ilse. Sei Muddà Klara hodd nedd weid wägg, uff dà annà Seid vunn ihr’m Dorf gewohnd. De Heinz unn ’s Ilse hann drei Kinnà gehadd. Es Sonja, es Tina unn noch de klääne Mark. Es Sonja, das äldàre Määde (20), war wehje: „Der Spießigkeit meiner Eltern“, schònn frieh ausgezòh. ’S Tina (14) ìss noch en die Schul gang.

Die war medd ihre Freindinne, ’em Babs unn ’em Kim, iwwà Face book schdark vànetzd.

Dann hann’se noch de klään Mark gehadd. Der war vill schbädà als die Määde uff die Weld kòmm. Er war graad acht Jòhr, wie die Tour uff de „Mount Maybach“ losgang ìss.

Der Klään hadd bei de Schielà vumm Fußballvàein SV Hellas als Dormann geschbield. Die Backesse hann aach e Franzeesische Bulldogge medd demm Name Schnauzi gehadd, dòzu noch siwwe Schdallhaase, e Dutzend Dauwe unn e paar Hingele.

Jetzt awwà nommòl zum Familljevaddà Heinz.

Nòh Jòhre em Schacht hadd de Heinz, wie schònn sei Großvaddà, sei Vaddà unn faschd all sei Kamerade, e Schdaablung (Berufskrankheit Silikose) grìdd. Obwohl de Heinz wehje demm Geschdäänsschdaab uff seinà Lung kaum noch Luft grìdd hodd, hadd’à doch em Sankt Barbara Kärje-Chor gesung. Er war Mìdglied vumm Angelschbordvàein unn akdiev bei dà Feijàwehr. Wie schbädà sei Sohn, hodd er aach als jungà Mann Fußball bei dà Hellas geschbield. Wenn er aach frieh selbschd wehje der Luft nemme schbiele konnd, feijàde er awwà jede Sunndaach uff’m Schbordplatz sei Hellas kräfdisch aan. Ansonschde hadd er dääschlisch sei drei Bier gedrunk unn dezu Lyoner medd Weck en dà Berschmanns-Kaffeekisch gäss. Unn äänmòl en dà Wòch hadd er medd dà Famillje unn seine Freinde geschwenkd.

Nòh dà Schischd hodd’à schdunnelang em Dauweschlaach gesetzd. Dòmedd ìss der rothòòrische Heinz aach dà Sonn aus’em Wäj gang. Der hädd nämlisch drauße schnell e Sunnebrand gridd.

Obwohl’s, bei der Aawed ìn seim Gaade dòzu kaum kòmme konnd. Weil sei Gaade em Schadde vunn’rà hooh Berjehall – sei’m „Mount Maybach“ – gelääh hadd. Em Schadde vunn demm Berschschdock senn sogar die Gellàriewe fà sei Haasen blass geblieb!

Es Ilse, sei Fraa, hädd sich schònn mòl gäre em Gaade gebräund, awwà bei der schbärlisch Sonn hädd’se dòzu drei Sommàperiode an äänem hann misse. Zum Braunwerre ìss die medd ihre Freindinne ìn's Schwimmbad gang. Medd denne hadd’se sisch aach zum Walking gedroff unn ìss dòhnòh medd’ne ìn’s Café „Tortengenuss“ gang.

Schischd em Schachd

Wenn de Heinz vumm schdännische Gequassele vunn seinà Fraa genuch hodd, hadd’à sisch zum Angele vàdriggd, oddà hadd sisch vòr sei Haaseschdall gesetzd unn Kautabak gekaud. Er war fleißisch, bescheide, zufriede unn gottgläubisch, awwà nedd fromm. Beim Ilse war das annàschd. Die ìss reschelmäßisch en die Friehmess unn aach Beischde gang.

Soweid war alles ìn Ordnung bei Backes’e, nur – de Heinz hädd beschdimmd mòl e Urlaab vàdiend gehadd. Er wolld sisch am Middelmeer oddà ìn de Alpe mòl ausschpanne. Am liebschde wär’à mòl uff de Watzmann gang. Dòvòn hadd de Heinz schònn seid seinà Juchend gedräämd.

Doch sei Fraa saad: „Am Meer oddà ìn dà Berje känne nur die Fahrschdeijà Urlaub mache. Mir hann dòdezu känn Geld. Wenn du meh Sonn- unn Feijàdaachsschichde mache däädschd, kännd unsà Geld villeischd dezu reische.“

Ihr Mann gäbbd klään bei: „Das Middelmeer muss’es jò garnedd senn. E Familljeurlaab am Watzmann dääds aach duun.“ Damedd er das endlisch mòl vàwerrglische kännd, hädd er sogar gäre an Sonn - unn Feijàdaache Knubbe (Überstunden) gemachd. Dann wär das needische Geld ball zesammekòmm. Awwà wer hädd ìn seinà Urlaabszeit die Haase, Dauwe und die Hiehnà gefiddàd? Es wär nìmmand dògeween! Aussà dà Oma Klara, awwà die war zu alt, unn die wohnd jò aach zu weid wägg, als dass’e jede Daach zu Fuß zum Fiddàre hädd kòmme känne. Außàdemm hodd die ab unn zu schònn Aussetzà. Also ìss der Watzmann fà de Heinz e „Mount Nichtkann“ geblieb.

Dann ìss die Zeit kòmm, en der die Kolle, die er unn sei Kumpels gemachd hann, zu deijà gänn ìss. Medd der Kohle, die aus China unn sogar aus Ausdralie kòmm ìss, konnd’em Heinz sei Kolle preislich nemmeh meddhalle. Sei Gruub ìss dischd gemacht wòr. Die Gruub, bei der er seid er verrzeh war geschafft hodd, war fà ìmmà zu! Der Berschbaukonzern saad zu ihm ìn ’rà annà Gruub, kännd er nei enfahre.

Der Schacht war awwà 300 Kilomedà weid wägg! Was solld'n de Heinz jetzd mache? Sei Haus vàkaafe unn medd Fraa, Kinnà, Hund unn Haase wäggziehje? Soll er all sei Kumbele, de Schbortvàein unn de Anglàvàein em Schdisch losse? Solld er irjendwo hinn, wo die Leid sei Schbròòch nedd vàschdehn? Dòrdhinn, wo’s noch nedd mòl rischdischà Lyonà oddà Bròòdgrumbiere gäbbd?

Die vunn der Berschbaugesellschaft hodde ihm aach aangebodd, en seim Haus wohne ze bleiwe unn Wochenendpendlà ze gänn. Das dääd sisch fà ihne sogar finanziell lohne. Er grääd dann jò Trennungszulache unn e Ausleesung. Annàràseids kännd er aach gäre medd’rà Abfindung en Friehrende gehn.

De Heinz wussd nedd was er mache soll. Er fròhd sisch: „Geheer isch dann schònn zum alde Eise?“ Also schwätzd’à mòl m’em Ilse iwwà die Sach. ’S Ilse saad: „Isch hädd känn Broblem demedd, wenn du nur am Wòcheänn dehemm wärschd. Isch käm iwwà die Wòch aach gudd ohne disch zereschd. Schließlisch hodd isch die Kinnà aach ohne disch uffgezòh. Du warschd jò ìmmà uff dà Schischd. Unn denòh warschd du so gudd wie nie dehemm. Endweedà haschd’e am Haus geschaffd oddà am Haaseschdall gebaud. Wie oft warschd du zum Angele wägg? Warschd beim Dauwezuchtvàein oddà beim Fußball? Geh nur! Mach das medd dem Wochenendpendlà ruhisch. Isch schaff das hie aach alään.“

„Unn die Trennungszulache zesamme medd der Ausleesung kännde mir gudd gebrauche.“ Dann mennd se noch: „Disch als Rendnà schdännisch um misch rum zu hann, das hall isch sowieso nedd aus.“ Jetzt hadd’s em Heinz awwà gereischd: „Aha, das Geld ìss dir liewà als dei Mann! Isch hann lang genuch die Knoche hinngehall unn hann Silikose gridd. Isch fahre nemmeh ìn! De Meier Erich hadd aach die Abfindung geholl unn ìss hie geblieb. Medd’em Erich kännd isch jede Daach schbaziere gehn. Dann wär isch dir aach aus de Fieß. Unn Wannàre dääd meinà Lung gudd duun.“ „Ja, ja, du