dr Mond chlopfet bi mir aa E-Book

Stefan Dietrich

• Herausgeber: BoD - Books on Demand
• Kategorie: Poesie und Drama
• Sprache: Deutsch
• Veröffentlichungsjahr: 2024

Seitenzahl: 54

Beschreibung

Stefan Dietrich versteht es, in seinen Mundart-Texten humorvoll zu erzählen, tiergründig zu philisophieren, phantasievoll und ideenreich zu fabulieren oder emotional die Liebe und die menschlichen Beziehungen zu ergründen. Die Mundart-Texte kreisen um Nachtgedanken, Abschiede, Aufbrüche, die Liebe oder die Tierwelt. Erzählende Texte wechseln ab mit beschwingter Poesie oder mit Texten, die beim Lesen wie Lieder tönen. Dem Verfasser gelingen lichtvolle und leichte Einblicke in das menschliche Leben und seine Um- und Mitwelt.

Leseprobe

Inhaut:

1.

Uftakt

z lääre Blatt und i

längwylig

2.

Pflanzen u Tier

Roseduft

Kaktus-Betrachtig

d Glasseheit

Freiheit?

Wagnis

3.

Lieder

Blues I

Blues II

bumm!

Alarm

4.

Liebi

du

di letschti Charte

dr Ring a dym Finger

d Angscht isch grennt

now or never (jitz oder nie)

dys Ja

d Zuekunft im Bluet

für aui Zyte

du weisch Ersatz

5.

Erzähl-Gedicht

ä Momänt vom Verwyle (z Känguru)

d Stiui

z Monschter im

Schrank Stammtisch

dr Housi

dr Bahnhof

dr Ferdinand

Begägnig

Gspräch

6.

Nachtgedanke

Nacht-Gedanke

merci

du bisch gange

dr Maa im Mond

we

strängi Finger

Meischterwärk

Gschänk

z Aute geit

z Geschter zäutlet im Hütt

Kabusalat

7.

Erinnerige

Erinnerig

dr Maa uf dr Büni

Missgschick

ig?

Frage

8.

Ufbrüch

Wunsch

gueti Reis

Himmus-Begägnig

9.

Abschied

Abschied

dr Sandmaa

z letschte Haar

unger dr Brügg

Entwicklig

Gsundheit

ä Nasen us Schoggi

d Schoggi-Nase

1. Uftakt

z lääre Blatt und i

z lääre, wysse Blatt

ligt vor mir uf em Tisch

äs ligt gar nüüt i dr Luft

nume dr Gschmack vo Fisch

dr Stift i myre Hand taschtet

langsam nach em erschte Wort

äs paar säutsami Gedanke kreise

ganz emene angeren Ort

i dänke härzlech weni

dä Zuestand isch sehr guet

z Plane hiuft nid viu

i dr Stiui brönnt ä Gluet

dr Stift chunnt i Bewegig

äs schmöckt nach feinem Ässe

ä Flöige tätscht i z Fänschterglas

s macht nüüt: schnäu het sie s vergässe

i stuune und i weiss nid warum

z Blatt isch nüme läär

my Gedanke wird ganz chrumm

dr Aafang isch nid schwär

wär weiss scho, was wird cho?

dr Aafang isch mir bekannt

äs isch doch ä so:

was weiss ig scho über my Hand?

längwylig

i hocken eifach da

u luegen uf z Meer

vor mir bis zum Horizont

z Wasser

dr Himmu

blau wi d Wäue

sie ruusche

oder isch äs dr Wind?

plötzlech ä Gedanke

wo mi dürfluetet

wi läbigs Wasser

wi näs Gschänk

i nimmen äs Blatt

u schrybe Wort um Wort

by amene angeren Ort

us em lääre Chopf

fliesst s

us em Nüüt wird öppis

us der Lääri en Überlegig

us der Längwyli

entsteit öppis Nöis

was wäre mir

ohni d Lääri

ohni z Nüüt

ohni d Längwyli?

2. Pflanzen u Tier

Roseduft

i hocke hie im Zimmer

ud Lampe lüüchtet schwach

i luege u i lose

u my armi Seu

isch gäng no wach

geschter han i Glück gha

hütt grüesst s mi nume schwach

dr Räge trybt mer d Träne i z Gsicht

wi han i über d Wuuche glacht

i schlyche dür dr dunkli Gang

uf dr Suechi nach em Glück

dr Mond versteckt sech feig

i loufe diräkt ine in ä Wang

uf ke Fau wett i zrügg

i sta vor em trüebe Fänschter

u i gseh nume mys Gsicht

i frage mi: wo bisch jitz du?

d Einsamkeit isch äs Schwärgwicht

was wäri, wen is angers hätt gmacht?

wärsch du da jitz bi mir?

u mir hätte zämme glacht

ä Fuchs margiert dusse sys Revier

i hocken uf em Bode unge

u spiele mit mir säuber Schach

u läcke mini Härzens-Wunde

dr Himmu lachet, wen o schwach

i chönnt im Säubschtmitleid zerfliesse

ä schöne Zuestand, das isch klar

aber i sött d Rose im Garte giesse

d Rose sy im Vorteu – wi wahr!

Kaktus-Betrachtig

ä Kaktus fasziniert mi sehr

statt Bletter schmücke ne spitzigi Stachle

är bringt Läbe z mitts ir Wüeschti

wyt ä wäg vo Fluss u Meer

wehrhaft gäge Fynde im Kaktus-Land

gnüegsam u vertrout mit aune Zyte

bym Wachse het er s gar nid pressant

d Zyt isch uf syre Syte

meterhöch chan ä Kaktus wärde

zum Stuune hie unden uf Ärde

z Wasser clever i sym Innere gespycheret

d Wüeschtebewoner wärde dür sys Wasserspare berycheret

i dr Chuchi steit ä Kaktus a dr Heizig

im Huus z staa, isch nid unbedingt ä Leischtig

dr Kaktus ir Chuchi isch am Warte

im Summer darf er use i Garte

dr Summer wird heisser u wasserermer

für ä Kaktus wär das z Paradies

für üs Mönsche chönnt s einisch schwirig wärde

äs chunnt uf d Perschpektive druf aa –

hie unden uf Ärde

d Glasseheit

ä Flöige

kreiset ständig

um d Glasseheit drum ume

d Flöige landet

louft paar Schritt

putzt sech d Flügu

gstrandet uf dr Glasseheit

d Glasseheit blybt glasse

d Flöige erhöht d Schlagzau

sie landet u startet

sie startet u landet

x-mau

was für nä Quau

d Glasseheit blybt glasse

d Flöige faat aaa

d Glasseheit z chlemme

immer wider ä chlyne Schmärz

dütlech z gspüre

bis i z Härz

d Glasseheit blybt glasse

d Glasseheit überleit

öb sie söu reagiere

d Flöige tuet se

scho rächt enerviere

d Glasseheit blybt glasse

ä Chatz gumpet

u verwütscht d Flöige

z mitts im Flug

d Glasseheit ud Chatz

tüe enang beöige

d Glasseheit cha glasse blybe

d Sach het sech erlediget

Fride

Freiheit?

ganz am Rand

vo dr Wand

hocket ä Flöige

sie tuet mi beöige

was sie äch dänkt über mi?

vo was wird ires Hirni glänkt?

isch sie vor auem uf dr Huet?

offebar bini ke Gfahr

aber äs isch wahr:

i chumme necher

luege, wi d Flöige iri Flügu putzt

i tue z Fänschter uf

jizt nume ke Schnuuf

i nimen äs Blatt us Papier

sorgfäutig bugsieren i das Insekt

zrügg id Natur

aber stur flügt d Flöige

nid use Richtig grüeni Wise

sondern sie macht ä Zwüschehaut

aa dr Huusmuur

wo sie wider startet

het ä Spinnele gwartet

dr Spaut isch schmau

ud Flöige i dr Freiheit

geit dr Spinnele i z Netz

das isch z Gsetz vor Natur

sie isch leider nid Freiheit pur

Wagnis

ä Blueme

äs Insekt

äs Chrütli

äs Chleeblatt-Meer

äs Ameisi

chlätteret liechtfüessig

über mini Schue

aa mym Ohr donneret

ganz nach ä Hornisse verby

vo dr Grössi här

dr Dino unger den Insekte

vor mir uf em Müürli

ligt bewegigslos ä Maichäfer

uf em Rügge

eine vo de Letschte

het s nid gschafft

vo wyt ä wäg

z Lache vome Ching

ä Maa redt minutelang

über z Wätter

u ä Frou luegt d Wuuchen aa

dr Summer heigs schwär